સાહિત્ય નો ખજાનો

તમે હેરાન થાઓ છો
એનો અર્થ એ નથી કે,
તમારૂ નસીબ ખરાબ છે.
એનો અર્થ એ છે કે,
તમારો સ્વભાવ
જરૂર કરતા વધારે સારો છે.
🙏🙏
મારી પાસે એવા માણસને નફરત કરવાનો ટાઇમ નથી
કે
જે મને નફરત કરે છે.....
કેમ કે,
હુ એવા લોકોમા વ્યસ્ત છુ
જે લોકો મને પ્રેમ કરેછે...
🙏🙏
ભૂખ તો ... સંબંધોને
પણ.. લાગે છે !!

બસ,
લાગણીઓ..
સ્વાદિષ્ટ હોવી જોઈએ.
🙏🙏
ભક્ત હોય તો
નરસિંહ મહેતા
અને મીરા જેવી
જેમાં ટેન્શન
હંમેશા ભગવાનને
જ લેવુ પડે..
🙏🙏

તું કહે છે ખાલી હાથે શું મળે , પૈસો ખર્ચો તો જગત આખું મળે ! બોલ, સોદા કરવા હું તૈયાર છું , કેટલામાં બાળપણ પાછું મળે ?
🙏🙏
ગામમાં લીમડા
ઘટતા જાય છે
અને
ઘરમાં કડવાશ
વધતી જાય છે..!!

હોઠો પરથી 'સુગર' ઘટી છે ,

ત્યારે થી લોહીમાં વધી છે...!!
🙏🙏
મને નથી ખબર કે હું એક સારો મિત્ર છું કે નહીં પણ મને એ ખબર છે કે મારી મિત્રતા જેમની સાથે છે તે બધા સારા મિત્રો છે.
🙏🙏
"ઘર નાનું હોય કે મોટું"
પણ
જો મીઠાશ ન હોય તો...
માણસ તો શું કીડીઓ પણ નથી આવતી..
🙏🙏
લાગણીઓ
જ થકવી જાય છે,
બાકી, માણસ તો
બહુ મજબુત હોય છે..
🙏🙏
પ્રેમ અને દોસ્તી
મા ચઢીયાતી
દોસ્તી છે દોસ્તો,
ત્યારે તો રાધા રડે
છે કૃષ્ણ માટે અને
કૃષ્ણ રડે છે, સુદામા માટે
🙏🙏

પરિસ્થિતિ આપણને સાચવી લે
તે આપણું નસીબ,

પરિસ્થિતિને
આપણે સાચવી લઈએ
તે આપણી સમજણ..
🙏🙏
 
  એ સફળતાની
            નિસરણી
શું કામની કે જેમાં માણસ
    તો ઉપર ચઢે પણ
         માણસાઇ
   નીચે ઊતરી જાય ?..
🙏🙏
આ દુનીયા ની સૌથી સુંદર
જોડી...
"હાસ્ય" અને "આંસુ"
આ બંનેનુ સાથે
આવવુ   અશક્ય છે....
પરંતુ સાથે આવે એ
સમય સહુ થી
ખુબસુરત હોય છે...
🙏🏻🙏🏻🙏🏻
આજકાલ કોઇ નેએલાર્મ
નથી જગાડતુ સાહેબ...

હર કોઇને તેની
જવાબદારીઓ
જ જગાડે છે....
🙏🙏🙏
કોઇપણ વસ્તું કે
માણસની એટલી
બધી અપેક્ષા ન
રાખવી કે તેના વગર
જીવી ના શકાય.
🙏🙏🙏
પાંપણો પર જો
પાળ બાંધી હોત
ને સાહેબ ,
તો....આ આંખો
સાતેય દરિયાની
માલિક હોત..
🙏🙏🙏
અફવા એ એવું
ઝડપી ગતીવાળું
પક્ષી છે, જેની
પાંખોને ક્યારેય 'વા'
લાગતો નથી.
🙏🙏🙏
સાપ ઘરે જોવા મળે
તો
લોકો દંડો મારવા દોડે છે

અને

શિવ લિંગ પર જોવા મળે
તો
દુધ પીવડાવવા દોડે છે...

સન્માન તમારું નહિ,
તમારા સ્થાન
અને
સ્થિતિનું થાય છે.
🙏🙏🙏
આપણે જેમને
સહુથી વધુ ચાહીએ
તેમનામાં જ
આપણને વધુ
દુઃખ આપવાની
શક્તિ રહેલી હોય છે.
🙏🏻🙏🏻🙏🏻

દુનિયાની સાચી હકીકત
જ્યાં સુધી "સાચી વાત"
ઘરની બહાર નીકળે......
ત્યાં સુધીમાં તો "ખોટી વાતે" અડધી દુનિયા ફરી લીધી
હોય છે..

સિંહ અને વાઘ
ખુબજ શક્તિશાળી છે.
પણ શિયાળ ક્યારે
સર્કસમાં કામ
નથી કરતો.

( શાંતિથી વિચારજો )

🙏🙏
બસ દિલ જીતવાનો જ હેતુ રાખજો.
કારણ કે......
દુનિયા જીતીને
પણ
સિંકદર ખાલી હાથે જ ગયો....
🙏🙏
અજબ રિવાજ છે
આપણા દેશનો ,
નજર મર્દૉની
ખરાબ હોય છે ,
અને સ્ત્રીઓને લાજ
કાઢવાનું કહે છે
🙏🙏

ઘડિયાળ ની ટીક
ટીક ને મામુલી ના
સમજો સાહેબ..
એટલું સમજી લ્યો કે
જિંદગીના વૃક્ષ પર
કુહાડી ના વાર છે..!
🙏🙏
તમે ભલે તમારા
જીવનથી અસંતુષ્ટ
હોવ. પણ ઘણા લોકો
એવા હશે જે તમારા
જેવુ જીવન જીવવા
તરસતા હશે.
🙏🙏
કોઇને ' સારા ' લાગશો,
કોઈને ' ખરાબ ' લાગશો,
પણ
ચીંતા ના કરશો...
જેવા જેના વિચારો હોય છે,
તેવા જ તેના ' મૂલ્યાંકન ' હોય છે.
🙏🙏

લાગણીઓ ના વ્યવહાર માં
ખેલ ના કરાય વાલા. કારણ કે
સાચા મિત્રોના ક્યાંય સેલ ના
ભરાય. દોસ્ત તારી ગેરહાજરી એટલે ફીલ અને તારી
હાજરી એટલે મહેફિલ.
🙏🙏
રેતી માં ઢોળાયેલ
ખાંડ કીડી વીણી સકે
પરંતુ હાથી નહિ
તેથી ક્યારેય નાના
માણસ ને નાનો ના
ગણવો ક્યારેક નાનો
માણસ મોટું કામ કરી
જાય છે..
🙏🙏

આપણને ગમતી
વ્યક્તિ દર વખતે
આપણને ગમે એવું
વર્તન જ કરે એ
જરૂરી નથી. આપણને
ગમતી વ્યક્તિ જે કંઈ
વર્તન કરે એ ગમે એ
જ ખરો સંબંધ છે.
🙏🙏
કોણે  કહ્યુ,
💎 કોહીનુર 💎
અહી નથી?????

દોસ્તો,
મારુ ફ્રેન્ડ લીસ્ટ તો જુવો.....
કેટલાય
💎 કોહીનુર 💎
મળશે....!!
🙏🙏 🙏🙏

ખોબો ભરી ને વહાલ મોક્લુ છુ,,
દોસ્તીના થોડા સવાલ મોક્લુ છુ..
ગમ બધા રહેવા દીધા છે,,
મારી પાસેથી દરેક પળ તમને ખુશાલી મોક્લુ છુ..

***

ખુલી આંખોના સપના સાચા નથી હોતા,,
બધા ચમકતા સિતારા નથી હોતા,,
મળે જો પ્રેમ તો ભરી લો દિલમા,,
જિંદગી ની લકીરના ભરોસા નથી હોતા..

***

દોસ્તી એવી કરજો કે જેમા
શબ્દો ઓછા ને સમજ વધારે હોય,,
વિવાદ ઓછા ને સ્નેહ વધારે હોય,,
સ્વાસ ઓછા ને વિશ્વાસ વધારે હોય,,
પૂરાવા ઓછા ને પ્રેમ વધારે હોય..

***

સુધારી લેવા જેવી છે પોતાની ભુલ
ભૂલી જવા જેવી છે બીજાની ભૂલ
આટલુ માનવી કરે કબુલ તો
હર રોજ દિલ મા ઉગે સુખ ના ફૂલ..

***

નફરત હોય ના હોય થોડો પ્રેમ રાખજો
મળવાનુ થાય ના થાય સબંધો બનાવી રાખજો,,
દુખ હોય ના હોય દિલાસો દિલ થી આપજો,
કોલ થાય ના થાય  મેસેજ ચાલુ રાખજો..

***

*જિંદગી તુ જેમ જેમ ઓછી થતી જાય છે*
*એમ એમ વધારે ગમતી જાય છે*

આંખોમાં વસનારા જ રડાવી જાય છે...
દસ્તુર તો જુઓ આ દુનિયાનો,

પોતાના મો *ચડાવી* બેઠા ને
પારકા *હસાવી* જાય છે...

જિંદગી તુ જેમ જેમ ઓછી થતી જાય છે
એમ એમ વધારે ગમતી જાય છે....

કયાં *સમય* છે આપણી પાસે
જીવતા માણસ સાથે બેસવાનો,
આપણે તો માણસ મર્યા પછી જ *"બેસવા"* જઈએ છીએ.

*જિંદગી તુ જેમ જેમ ઓછી થતી જાય છે*
*એમ એમ વધારે ગમતી જાય છે*

1. હોશીયાર માણસથી ભુલો થાય તેવુ ક્યારેક બને પણ ભુલોથી માણસ
હોશીયાર થાય તેવુ જરૂર બને છે.

2. પરિસ્થિતિ આપણને સાચવી લે તે આપણું નસીબ,પરિસ્થિતિને આપણે
સાચવી લઈએ તે આપણી સમજણ
              
3. ભલે ને અટપટા સૌ દાખલા છે સંબંધો માં.. પણ અહમને બાદ કરો
તો જવાબ સહેલા છે.

4. નથી મળતો સમય સ્નેહ થી વાતો કરવા માટે, કયાંથી કાઢે છે સમય
લોકો ઝગડો કરવા માટે...!!!

5. ખોટી અપેક્ષા માં જ હારી જવાતુ હોય છે; નિઃસ્વાર્થ સબંધ નિભાવવામાં ક્યાં દરેક થી જીવાતુ હોય છે..?

6. માન્યુ કે એટલી સરળ
આ વાત નથી, પણ અંત વગર નવી
શરૂઆત નથી. બને એવું કે શબ્દોથી,
કદી વિખવાદ પણ સર્જાય, ને ક્યારેક મૌન ના સેતુ થકી સંવાદ પણ સર્જાય...!!

7. સુખ એટલે નહીં ધારેલી , નહીં માગેલી અને છતાં ... ખૂબ ઝંખેલી
કોઈ કીમતી પળ.

8. સારું હ્દય અને સારો સ્વભાવ
બંને જરુરી છે. સારા હદય થી
કેટલાય સંબંધો બને છે અને સારા સ્વભાવ થી તે સંબંધો જીવનભર ટકે છે.

9. મજાક મસ્તી તો જીવનમાં
ઓક્સિજન નું કામ કરે છેે.બાકી તો માણસ પળે પળ ગુંગળાઇ ને જ મરે છે.

10. અભાવ માં રહેવાના આપણા સ્વભાવને લીધે જે મળ્યું છે એનું સુખ ટકતું નથી ને નથી મળ્યું એનું દુઃખ જતું નથી.

11. રોટલો કેમ રળવોતે નહિ પણ દરેક કોળિયાને મીઠો કેવી રીતે બનાવવો તેનું નામ કેળવણી...

*ધર્મ*ની સૌથી સરળ વ્યાખ્યા..

કોઈ ના પણ આત્માને તમારા કારણે દુ:ખ ના પહોચે એની *તકેદારી* એટલે ધર્મ..!

*શુભ સવાર*..!

*હું કેટલો બદલાઇ ગયો છું*

રોટલી પર ઘી ને ખાંડ લગાવી ભૂંગળું
ખાવાથી મળતો આનંદ મેકડોનાલ્ડના બર્ગર કે ડોમિનોઝના પિત્ઝામાંથી પણ નથી મળતો

*હું કેટલો બદલાઇ ગયો છું*

સાંધેલા ચપ્પલ પહેરીને મોટા ડુંગરાઓ ચડી જતો પણ આજે એડીદાસના શુઝ ડંખ્યા કરે છે

*હું કેટલો બદલાઇ ગયો છું*

ખેતર કે વગડામાં ઝાડવા નીચે
પાથર્યા વગર પણ ઘસઘસાટ ઉંઘી જતો ને આજે એસી રૂમમાં પણ સતત પડખા બદલ્યા કરુ છું

*હું કેટલો બદલાઇ ગયો છું*

વેકેશનમાં મામાની ઘરે આખો મહીનો રહેતો એ મામા માત્ર મારા મોબાઇલમાં સેવ થયેલા છે વાત થતી નથી કે મળાતું નથી

*હું કેટલો બદલાઇ ગયો છું*

બે ચાર મિત્રોનો સહવાસ આખી દુનિયા સાથે છે એવી અનુભૂતિ કરાવતો અને આજે ફેસબુકમાં હજારો મિત્રો હોવા છતા સાવ એકલો હોઉં એમ લાગે છે

*હું કેટલો બદલાઇ ગયો છું*

કંઇ ખબર ન પડવા છતાય મંદિરમાં આંખ બંધ કરીને બેસતો અને ભગવાનની મૂર્તિ દેખાતી આજે મોટી મોટી ધ્યાન શિબિરો પણ મનને સ્થિર નથી કરી શકતું

*હું કેટલો બદલાઇ ગયો છું*

અગરબતીની સાથે સાવ મફતમાં આવતા અતરની સુવાસ દિવસો સુધી આવતી અને આજે નોટીકાના મોંઘા પરફ્યુમની સુવાસ બે સેકન્ડ પણ નથી અનુભવી શકતો

*હું કેટલો બદલાઇ ગયો છું*

ઠીકરાની પાટી અને માટીના પેનની મઝા આઇફોન અને આઇપેડ પાસે સાવ ઝાંખી પડે છે

*હું કેટલો બદલાઇ ગયો છું*

બેંક બેલેન્સ વધવા છતા પણ દિવસે દિવસે આનંદ ઘટતો જાય છે

હું કેટલો બદલાઇ ગયો છું

કમાણી કરતા ઓછુ વાપરે એજ સમજદાર માણસ..
કારણ કે અમીર દેખાવાના ખેલ મા કેટલાય ગરીબ થઈ ગયા છે.

(૧) જન્મ....
      એક અણમોલ સોગાદ છે,
      જે ભગવાનની ભેટ છે.....

(૨) બચપણ
      મમતાનો દરિયો છે જે પ્રેમથી ભર્યો છે,
      જે ડુબી શક્યો તે તરી ગયો છે....

(૩) તરુણાવસ્થા
     કંઇ વિચારો, કંઇ આશાઓનો પહાડ છે
     મેળવવાની અનહદ આશા અને લુટવાની
     તમન્ના છે.
     તરુણાવસ્થા એટલે તરવરાટ, થનગનાટ...
     અને અનેક નવી મૂંઝવણો....

(૪) યુવાવસ્થા
      બંધ આંખોનું એ આંધળુ સાહસ છે...
      તેમા જોશ છે, ઝનુન છે, ફના થવાની
      ઉમ્મીદો ..
      અને કુરબાન થવાની આશા છે.

(૫) પ્રૌઢાવસ્થા
       ખુદને માટે કશુ ન વિચારતા...
       બીજા માટે કરી છુટવાની ખુશી છે.
       કુટુંબ માટે કંઇ કરી છુટવાની જીજીવિશા છે.
 
  (૬) ઘડપણ    
        વિતેલા જીવનના સરવાળા બાદબાકી છે,
        જેવું વાવ્યું તેવું લણવાનો સમય છે...
 
૭) મરણ
     જીદગીની કિતાબના પાના ખુલ્લા થશે...
     નાડીએ નાડીએ કર્મ તૂટશે..
     પાપ-પૂણ્યનો મર્મ ખુલશે...
     ધર્મ-કર્મનો હિસાબ થશે...
     સ્વર્ગ-નરકનો માર્ગ થશે....
     પોતાનાનો પ્યાર છુટશે.........
                અને... 
     સાત પગલા પુરા થશે.....
                માટે..
      સાત પગલાની..
      પાણી પહેલા પાળ બાંધો....

(૧) જીદગીને કોઇપણ જાતની શરત વગર પ્રેમ
      કરો.

(૨) તમે નહી ખર્ચેલા નાણાના તમે ચોકીદાર
      છો,  
      માલીક નથી!

(૩) દુનિયામા દરેક માણસ એમજ સમજે છે કે...
      તે ..  પોતે જ... ચાલાક છે...!
      પરંતુ જ્યારે કુદરતનો તમાચો પડે છે
       ત્યારે માંની છઠ્ઠીનું ધાવણ યાદ આવી જાય
       છે! માટે તમારી હોશીયારી તમારી પાસે જ
       રાખો!

(૪) જો તમને...
      પહેરવા કપડા, રહેવા ઘર અને..
      બે ટાઇમ અન્ન મળતું હોય તો...
      ઉપરવાળાનો આભાર માનજો..
      તમારાથી બીજા કેટલા સુખી છે..
      તે જોવા કરતા બીજા કેટલા દુઃખી છે..
      તે જોશો તો... તમારે માટે સ્વર્ગ અહીં જ છે!

(૫) તમે પૈસાદાર હો કે ગરીબ..
      બધા અંતે મ્રુત્યુને જ વરે છે!
      મુખ્ય વાત તો એ જ છે કે..
      તમારી ખોટ કેટલાને પડી?
      તમારી યાદમા કેટલી આંખો ભીની થઇ!

જીવન અંગે ગાંઠે બાંધી રાખવા જેવી જેકસન બ્રાઉનની કલમે લખાયેલી વાતો

* ’કેમ છો” કહેવાની પહેલ દર વખતે આપણે જ કરવી જોઇએ.

* શ્રેષ્ઠ પુસ્ષકો ખરીદવાની ટેવ રાખો પછી ભલે તે વંચાય કે ન વંચાય.

* કોઇએ લંબાવેલો (દોસ્તીનો) હાથ ક્યારેય તરછોડવો નહીં.

* બહાદુર બનો અથવા તેવો દેખાવ કરો.

*કોઇને પણ આપણી વાત કહેતા પહેલાં બે વખત વિચાર કરો.

* મહેણું ક્યારેય ન મારો.

* કોઇપણ આશાવાદીની વાતને તોડી પાડશો નહીં,શક્ય છે કે એની પાસે માત્ર એક જ આશા હોય.

* ક્રેડિટ કાર્ડ સગવડ સાચવવા માટે,ઉધારી કરવા માટે નહીં.

* રાત્રે જમતી વખતે ટી.વી બંધ રાખવો.

* નકારાત્મક પ્રક્રૃતિના માણસોને મળવાનું ટાળો.

*દરેક વ્યકિતને બીજી તક આપો,ત્રીજી નહીં.

* સંતાનો નાના હોય ત્યારેથી જ તેમને પૈસાની કિંમત અને બચતનું મહત્વ સમજાવી દેવું.

* જે ગાંઠ છોડી શકાય એવી હોય તેને કાપશો નહીં.

* જેને તેમે ચાહતા હોય તેની સતત કાળજી લેતા રહો.

* કુટુંબના સભ્યો સાથે પિકનિક પર જવાનું ગોઠવો.

* ગોસિપ,નિંદા,જુગાર અને કોઇના પગારની ચર્ચાથી દૂર રહો.

* જિંદગીમાં તમોને હંમેશા ન્યાય મળશે જ એવું માનીને ચાલવું નહીં.

* લોકોને તમારી સમસ્યાઓમાં રસ નથી હોતો એટલું યાદ રાખો.

* અફસોસ કર્યા વિનાનું જીવન જીવો.

* ક્યારેક હારવાની પણ તૈયારી રાખો.

* મા-બાપ,પતિ-પત્ની કે સંતાનોની ટીકા કરવાનું મન થાય ત્યારે જીભ પર કાબૂ રાખો.

* ફોનની ધંટડી વાગે ત્યારે રિસિવર ઉપાડીને સ્ફૂર્તિભર્યા અવાજે વાત કરો.

* શબ્દો વાપરાતી વખતે કાળજી રાખો.

* બાળકોના સ્કૂલના કાર્યક્ર્મમા અવશ્ય હાજરી આપો.

* ધરડાં માણસો સાથે ખૂબ સૌર્જન્યતાથી અને ધીરજથી વર્તન કરો.

* તમારી ઓફિસે કે ધરે કોઇ આવે તો એને ઊભા થઇ આવકારો.

* મોટી સમસ્યાઓથી દૂર ભાગો નહીં, મોટી તક એમાં જ હોઇ શકે છે.

*ગંભીર બિમારીમાં ઓછામાં ઓછા ત્રણ મોટા ડોકટરોનો અભિપ્રાય લો.

* બચત કરવાની શિસ્ત પાળો.

* ઉત્સાહી અને વિધેયાત્મક વિચારો ધરાવતી વ્યકિત બનાવાનો પ્રયત્ન કરો.યાદ રાખો કે દરેક વ્યકિતને તેની સારી બાજુ સાંભળવી ગમે છે.

* સંતાનોને કડક શિસ્ત પાઠ ભણાવ્યા પછી તેમેને ઉષ્માપૂણ ભેટવાનું ભૂલશો નહીં.

* અઠવાડિયે એક વખત ઉપવાસ કરો.

* કોઇને બોલાવવા ચપટી વગાડવી નહીં.

* ઊંચી કિંમતવાળી વસ્તુઓની ગુણવત્તા પણ ઊંચી જ હશે એમ માની લેવું નહીં.

* ધર પોષાય એટલી કિંમતનું જ લેવું.

* સંગીતનું એકાદ વાજિંત્ર વગાડતા આવડવું જ જોઇએ
                                         
*જમ્યા પછી ઇશ્વરનો આભાર અવશ્ય માનવો.

વાસ્તવિક ‘ઈન્ટરવ્યૂ’માં આ જ કે આવા ઉત્તરો આપતાં નોકરી મળે કે ન મળે પણ આ જવાબો તમારા મોઢા પર સ્મિત પણ લાવી દેશે એ નક્કી !

૧. તમે આ નોકરી / પદ માટે શા કારણથી અરજી કરી રહ્યા છો ?
જવાબ : મેં તો અહીંની સાથે બીજી અનેક જગાએ અરજી કરી છે પણ તમારે ત્યાંથી મને અત્યારે બોલાવવામાં આવ્યો છે, તેથી હું અહીં છું.

૨. તમારે અમારી કંપનીમાં શા માટે જોડાવું છે ?
જવાબ : મારે તમારી કંપનીમાં જ જોડાવું છે એવું નથી. મારે તો નોકરી કરવી છે, જે કંપની સારું કામ અને સારો પગાર આપે તેમાં જોડાવા હું તૈયાર છું.

૩. મારે તમને શા માટે નોકરીએ રાખવા જોઈએ ?
જવાબ : તમારે કોઈકને તો નોકરી આપવાની જ છે. તો પછી મને શા માટે નહીં ?

૪. જો તમને આ નોકરી મળી જાય તો તમે શું કરશો ?
જવાબ : સાચું કહું તો હું ખૂબ મૂડી છું. આથી મને આ નોકરી મળી જાય તો મારા તે સમયના મૂડ અને પરિસ્થિતિ પર હું શું કરીશ તેનો આધાર રાખે છે.

૫. તમારી મોટામાં મોટી લાયકાત કે તાકાત કઈ ?
જવાબ : સાચું કહું તો જે કંપની મને ખૂબ ઊંચો પગાર આપે તે કંપનીના ભવિષ્યનો વિચાર કર્યા વગર તેમાં જોડાઈ જવાની તાકાત…

૬. તમારી સૌથી મોટી નબળાઈ ?
જવાબ : છોકરીઓ !

૭. તમારી સૌથી મોટી ભૂલ તમે કઈ કરેલી અને તેમાંથી તમે શું શીખ્યા ?
જવાબ : મારી પાછલી કંપનીમાં જોડાયો એ અને શીખ્યો કે મારે વધારે ઊંચો પગાર મેળવવા બીજી નવી જગાએ જોડાવું પડશે અને તેથી જ આજે અહીં ‘ઈન્ટરવ્યૂ’ માટે આપ સમક્ષ ઉપસ્થિત થયો છું.

૮. તમારી છેલ્લી નોકરીમાં મેળવેલી કઈ કઈ સિદ્ધિઓ બદલ તમે ગૌરવ અનુભવો છો ?
જવાબ : જો એવી કોઈ સિદ્ધિ મેળવી હોત તો મારે નવી નોકરી શોધવા શીદને નીકળવું પડત ? પગાર વધારો માગી ત્યાં જ ન ટક્યો હોત ?

૯. એક પડકારભરી પરિસ્થિતિનું વર્ણન કરો જેનો તમે સામનો કર્યો હોય અને તમે એમાંથી કઈ રીતે બહાર આવ્યા તે જણાવો.
જવાબ : સૌથી મોટો પડકાર છે “તમે શા માટે નવી નોકરી શોધી રહ્યા છો” એ પ્રશ્નનો જવાબ આપવામાં. અને તેનો સામનો મેં વ્યર્થનો બડબડાટ કરીને સામાવાળાને ગૂંચવી મારી કર્યો હતો.

૧૦. તમે શા માટે તમારી પાછલી નોકરી છોડી દીધી / છોડવા જઈ રહ્યા છો ?
જવાબ : એ જ કારણથી જેને લીધે તમે તમારી પાછલી નોકરી છોડી દીધી હતી.

૧૧. તમને આ નવી નોકરી પાસેથી શી શી અપેક્ષાઓ છે ?
જવાબ : ઓછામાં ઓછા કામ અને વધારેમાં વધારે પગાર અને નિયમિત પગારબઢતીઓની.

૧૨. તમારા કારકિર્દી ધ્યેય ક્યા ક્યા છે અને તમે તે કઈ રીતે હાંસલ કરવા ઈચ્છો છો ?
જવાબ : વધુમાં વધુ પૈસા કમાવા અને એ માટે દર બે વર્ષે નોકરીઓ બદલ્યા કરવી.

૧૩. તમે અમારી કંપની વિશે સાંભળ્યું છે ? તમે અમારા વિશે શું જાણો છો ?
જવાબ : હા, હું જાણતો જ હતો કે તમે આ પ્રશ્ન પૂછશો. એટલે જ અહીં આવતા પહેલાં હું તમારી વેબસાઈટ ખૂંદી વળ્યો હતો.

૧૪. તમને કેટલા પગારની અપેક્ષા છે અને તમે તેને કઈ રીતે યથાર્થ લેખાવશો ?
જવાબ : કોઈ પોતાની પહેલી નોકરી જેટલા જ પગાર માટે નોકરી બદલે નહીં. આથી હું ઓછામાં ઓછા ૨૦% ઊંચા પગાર સાથે જોડાવા ઈચ્છીશ. (મને ખબર જ છે હું ગમે એટલો પગાર વધારવા કહીશ, તમે એ સંદર્ભે ભાવતાલ કરવાના જ છો. તેથી મેં મારી હાલની નોકરીમાં મેળવું છું એ કરતાં ૩૦% ઊંચો પગાર જ તમને જણાવ્યો છે !)

એક ડૉક્ટરે પોતાના ઘરેથી પોતાની હૉસ્પિટલ પર નંબર લગાવ્યો. ભૂલથી નંબર હૉસ્પિટલ પર લાગવાને બદલે નેશનલ ક્રિકેટ ક્લબમાં લાગી ગયો.
ડૉક્ટરે પૂછ્યું : ‘શું સ્થિતિ છે ?’
‘બસ ! છેલ્લા બે બચ્યા છે, એ પણ જવાની તૈયારીમાં છે.’ ક્રિકેટ ક્લબના મેનેજરે જવાબ આપ્યો.

*
બે મિત્રો સંગીતનો કાર્યક્રમ માણવા ગયેલા, થોડીવાર પછી એક મિત્રે બીજાને કોણી મારીને કહ્યું, ‘જો ને ! પેલો પહેલી હરોળમાં બેઠો છે તે કેવો ઊંઘે છે ! એને સંગીતમાં સમજણ ન પડતી હોય તો અહીં શું કામ આવ્યો હશે ?’
બીજા મિત્રે કહ્યું, ‘અરે ! બુદ્ધુ ! આટલી વાત કરવા માટે તે મારી ઊંઘ બગાડી !’

*
ચમનના સ્કૂલ રિક્ષાવાળા ચાચા સ્કૂલ પહોંચી રિક્ષામાંથી એક વ્હીલ કાઢવા લાગ્યા.
ચમનાએ પૂછ્યું, ‘ચાચા, રિક્ષામાંથી એક વ્હીલ કેમ કાઢી રહ્યા છો ?’
‘તને દેખાતું નથી સામે બોર્ડ પર લખ્યું છે, પાર્કિંગ ફોર ટુ વ્હીલર્સ ઓનલી.’ ચાચાએ વ્હીલ કાઢતા જવાબ આપ્યો.

*
વજનના કાંટામાં પતિએ સિક્કો નાખ્યો.
ટિકિટ બહાર આવી.
તેમાં લખ્યું હતું.
તમે પ્રામાણિક છે, તમે પ્રેમાળ છો, તમારું ચારિત્ર્ય ઉમદા છે, તમે બાહોશ છો…
‘અરે જુઓ તો ખરા, તમારું વજન પણ ખોટું છે !’ પત્ની બોલી ઊઠી.

*
પતિ : તારા વિના હું એકલો રહી શકતો નથી.
પત્ની : એટલે તો હું ઈશ્વરને પ્રાર્થના કરું છું કે તમને વિધુર બનાવવાને બદલે મને વિધવા બનાવે.

*
શાંતાબહેન પિયર ગયા હતા. શાંતિલાલના અનેક પત્રો છતાં પાછા આવવામાં વિલંબ કરતા હતા.
છેવટે શાંતિલાલે એક યુક્તિ કરી. તેણે શાંતાબહેનને પત્ર લખ્યો. પત્રમાં લખ્યું કે, ‘સામેવાળા સરલાબહેન મારું બહુ ધ્યાન રાખે છે. રોજ ગરમ રસોઈ જમાડે છે અને જે કાંઈ જોઈતું હોય તે આપી જાય છે.’
ટપાલ મળતાં જ શાંતાબહેન ઘેર આવવા રવાના થયા.

*
પત્ની (પતિને ઉત્સાહથી) : હું બ્યૂટીપાર્લરમાં જઈને આવી !
પતિ : કેમ, પાર્લર બંધ હતું !

*
ડૉક્ટર : માથામાં કેવી રીતે વાગ્યું ?
દર્દી : હું મારી હવાઈ ચપ્પલથી દીવાલમાં ખીલી ઠોકી રહ્યો હતો.
ડૉક્ટર : એને અને આ વાગ્યું છે તેને શું લાગેવળગે ?
દર્દી : એ વખતે અમારા પાડોશીએ કહ્યું કે ક્યારેક ક્યારેક દિમાગનો પણ ઉપયોગ કરો.

*
પિતા : બેટા, તારું એડમિશન આ સ્કૂલમાં નહીં થઈ શકે.
પુત્ર : કેમ પપ્પા ?
પિતા : ત્યાં એકેય સીટ ખાલી નથી.
પુત્ર : તમે એડમિશન કરાવી દો, સીટ હું ખાલી કરાવી દઈશ.

*
પપ્પા : બેટા, કંઈ વાંધો નહીં. તારી કિસ્મતમાં નાપાસ થવાનું લખ્યું હશે.
પિન્ટુ : પાપા, એ તો સારું થયું કે હું આખું વર્ષ ભણ્યો નહીં, નહિ તો બધી મહેનત નકામી જાત.

*
એક અભિનેતાના વખાણ કરતાં એક પત્રકારે એને પૂછ્યું, ‘આ ફિલ્મમાં એક ડરપોક પતિની તમે જે ભૂમિકા નિભાવી છે, એ ખરેખર દાદને પાત્ર છે. તમે આટલી મુશ્કેલભરી ભૂમિકાને આટલી સરળતાથી કઈ રીતે કરી શકો છો ?’
‘જી, એનો શ્રેય મારી પત્નીને જાય છે !’ અભિનેતાએ ટૂંકો જવાબ આપ્યો.

*
ટીના : પપ્પા, જીભને કેટલા પગ હોય ?
પપ્પા : એક પણ નહિ.
ટીના : તો મમ્મી મને એમ કેમ કહે છે કે ટીના તારી જીભ બહુ ચાલે છે.

*
મગન : એવી એક વસ્તુ બતાવો જે એક વાર ઉપર જાય પછી નીચે આવતી નથી.
છગન : માણસની ઉંમર.

*
‘હું તને પાંચ છ વાર કહી ચૂક્યો છું, પરંતુ તે જે રકમ ઉધાર લીધી છે, તે હજી સુધી પાછી નથી આપી.’
‘તે પણ દસ-બાર વાર માગ્યા પછી જ ઉધાર આપ્યા હતા ને.’

*
પપ્પા (ટપુને) : બજારમાં ધ્યાનથી ચાલવાનું રાખ, નહીંતર કોઈ દિવસ મોટરગાડી નીચે આવી જઈશ.
ટપુએ છાતી ફૂલાવીને કહ્યું, ‘મારા ઉપરથી તો મોટું વિમાન પણ જતું રહે છે, તમે મોટરગાડીની ક્યાં વાત કરો છો ?’

*
શેઠાણી : અરે ! ગાંડી આટલી બધી વાર ક્યાં કરી ?
નોકરાણી : શેઠાણી ! હું સીડીઓ ઉપરથી પડી ગઈ હતી એટલે.
શેઠાની : તો શું પડવામાં આટલી બધી વાર લાગે ?

*
ડૉક્ટર : ઊંડા શ્વાસ લો અને પાંચ વાર આઠ બોલો.
દર્દી (ઊંડો શ્વાસ લઈને) : ચાલીસ !

*
નોકર : ઊઠો, ઊઠો સાહેબ, ઘરમાં ચોર ઘૂસી ગયો છે.
શેઠ : તે લોકોને કહે કે અત્યારે મને ખૂબ ઊંઘ આવી રહી છે. કાલે આવે.

*
મનિયો પરીક્ષાખંડના દરવાજે બેસી પરીક્ષા આપતો હતો. સુપરવાઈઝર ફરતાં ફરતાં મનિયાના પરીક્ષાખંડ પાસે આવ્યા.
મનિયાને દરવાજા પાસે બેઠેલો જોઈ પૂછ્યું, “મનિયા, તું અહીં દરવાજા પાસે બેસીને શા માટે પરીક્ષા આપે છે ?”
“સાહેબ, આ મારી એન્ટ્રન્સ એક્ઝામ છે.”

*
એક સ્ત્રી કાછિયાને કહેતા હતી : જો શાકભાજી ખરાબ નીકળશે તો રાંધેલાં પાછાં લાવીશ.
કાછિયાએ જણાવ્યું : તો પછી એમ કરજો. સાથે બેચાર રોટલીઓ પણ લેતાં આવજો.

*
એક ફેરિયાએ બૂમ પાડી : ‘ચપ્પુ, કાતરને ધાર કઢાવો.’
ત્યારે એક યુવતીએ પૂછ્યું : ‘શું અક્કલને પણ ધાર કાઢો છો ?’
‘જી હા’ ફેરિયાએ કહ્યું : ‘પણ શરત એટલી કે તે તમારી પાસે હોવી જોઈએ.’

*
શિક્ષક : તારે કેટલી આંગળી છે ?
વિદ્યાર્થી : દશ.
શિક્ષક : શાબાશ, આ દશમાંથી ચાર આંગળીઓ જતી રહે તો તારી પાસે શું રહેશે ?
વિદ્યાર્થી : તો સર મારે હોમવર્ક કરવાનું રહેશે નહિ !